Eකැටපත් පවුර

වර්තමාන සමාජ සන්දර්භය තුළ ශී‍්‍ර ලාංකීය මාධ්‍යවේදියා සමකාලීන සමාජ ක‍්‍රියාවන් ප‍්‍රස්තුත කොට ගෙන මාධ්‍යකරණයෙහි නිරතව සිටියි. ඒ වූ කලී දෛනික මාධ්‍යකරණයෙහි නිරත මාධ්‍යවේදියා ස්වකීය කාර්යභාරය දෛනික සමාජ, දේශපාලනික, ආර්ථික ආදී කේෂත‍්‍ර පාදකව සිදු කෙරෙන අතරම ඇතැමෙක් එය අභිබවා යමින් ගැඹුරු සමාජයීය කාරණා පාදකව මාධ්‍යකරණයෙහි වන ආනුශාංගික අංශ ඇසුරු කරමින් නව මං සොයමින් ලාංකීය මාධ්‍යකරණය නැමති ප‍්‍රපංචයට  නව අර්ථදීපනයක් ලබා දීමට උත්සුක වෙති. අද්‍යතන සංහතික මාධ්‍යය තාක්ෂණය සමග මුසුවෙමින් එහි සාම්ප‍්‍රදායික සීමා මායිම් බිඳිමින් නව ආකාරයක කි‍්‍රයාවලියකට අනුගතව ද ක‍්‍රියාත්මකවේ. සාම්ප‍්‍රදායික ජනමාධ්‍යවේ ද අධ්‍යයනයේදී විභේදනීය කරණයට (Differentiate) ලක්කිරීමේ දී සැලකෙන මුද්‍රිත, විද්‍යුත් මාධ්‍ය හෝ පුවත්පත්, ස`ගරා, ගුවන්විදුලි, රූපවාහිනී ආදී ලෙස හෝ තවදුරටත් සෘජු වර්ගීකරණයකට ලක් කළ නොහැක්කේ මෙකී සියලූම ආකාර මාධ්‍ය වර්ගීකරණ නිර්නායකයන් අතික‍්‍රමණය කරමින් නව්‍ය වූ ද වෙනස් ආකෘතිකමය ලක්ෂණ ප‍්‍රකට කරන්නාවූ ද ආකාරයකට  අද්‍යතන මාධ්‍ය සන්දර්භය වෙනස් වී මාධ්‍ය විභේදනයට ලක්වී ඇත. ඒ වූ කලී අද්‍යතන මාධ්‍ය අභිසාරීතාවක් ප‍්‍රකට කරයි. එනම් 2010 වසරෙන් මෙපිට සිදු වූ ගෝලීය මාධ්‍ය සහ තාක්ෂණික පරිවර්තනය අභිමුව ව්‍යුත්පන්න වූ ස්මාට් යුගය (Smart era) එනම් ජංගම දුරකථනය පාදකව බිහිවූ සන්නිවේදන විපර්යාසය සෑම අංශයක්ම අතිශය ගැඹුරු පරිවර්තනයකට ලක් කෙරිණි.

                                අන්තර්ජාලය පදනම්ව ගොඩනැගුණු මෙකී සන්නිවේදනය ක‍්‍රියාවලිය තුළ දෘෂ්‍ය, මුද්‍රිත යන සාම්ප‍්‍රදායික සන්නිවේදන ක‍්‍රියාවලියෙහි සිදුකෙරෙනු සෑම ආකාරයකම සන්නිවේදන ආකෘති මෙකී සන්නිවේදන ආකෘතිය තුළ වඩා සංවිධිත ලෙස ක‍්‍රියාත්මක වන ආකාරයක් නිරීක්ෂණය කළ හැකිවේ. මීට දශකයකට පමණ පෙර පැවති ජනමාධ්‍යවේදය වර්තමානය වන විට මෙකී ප‍්‍රවණතාවන් සමග අතිශය විපර්යාසයකට භාජන වී ඇත්තේ එහි භාවිත ආකෘතින් තුළින් පමණක් නොව න්‍යායික, සංකල්පීය ආදී තලයන් ඔස්සේ ද වන බව ඒ පිළිබඳ සිදු කෙරෙන අධ්‍යයනයන්හි දී සනාථ වන කරුණකි. එනම් අභිසාරී නව මාධ්‍ය ප‍්‍රජාතන්ත‍්‍රීය තලයෙහි ද බලපෑම් සිදු කෙරෙන බව පැහැදිලිවේ. එනම් පැරණි මාධ්‍ය සමාජ ප‍්‍රජාතන්ත‍්‍රවාදය තුළ රැුඳෙමින් ක‍්‍රියාත්මක වූ අතර අද්‍යතන මාධ්‍ය අභිසාරීතාව විසින් එකී සීමා මායිම් බිඳ දමමින් ඇති බවද නිරීක්ෂණය කළ හැකියග කෙසේ වෙතත් මාධ්‍ය අභිසාරීතාව සහ නව මාධ්‍ය භාවිතාව තුළ ජනතාවට තොරුතුරු දැන ගැනීමේ හැකියාව පුළුල් වී ඇති බව ද පෙනී යයි. අද්‍යතන මාධ්‍යයෙහි හැසිරීම නිරීක්ෂණය කිරීමේ දී ගම්‍යවන්නේ මුද්‍රිත මාධ්‍ය ද ස්වකීය පුවත්පත්, ස`ගරා වැනි මුද්‍රිත ප‍්‍රකාශන අන්තර්ජාලය ඔස්සේ මාර්ගගත ප‍්‍රකාශනයන් මගින් ඉදිරිපත් කිරීමයි. එමෙන්ම ගුවන්විදුලි නාලිකා ද මාර්ගගත වෙබ් අඩවි මගින් ශ‍්‍රව්‍ය මෙන්ම දෂ්‍ය ප‍්‍රකාශනයන් සිදු කරන බවයි. මෙම ආයතනවල සේවය කරන මාධ්‍යකරුවා හට සෑම ආකාරයකම මාධ්‍යකරණයෙහි නියැලීමට සිදුව ඇත. නව්‍යතම ප‍්‍රවණතා ලෙස සැලකෙන මාධ්‍ය ආකෘතීන් තුළ කටයුතු කරමින් නවීන තාක්ෂණික හා අභිසාරී මාධ්‍යකරණයෙහි නව මානයන්හි අණසක පතුරුවාලීමට දෙරණ කටයුතු කරන ආකාරය ද පැහැදිලිය. සිය ප‍්‍රවෘත්ති වෙබ් අඩවිය adaderana.lk ලෙස ද, දෙරණ රූපවාහිනී නාලිකාව derana.lk වෙබ් අඩවිය ඔස්සේ සිය වැඩසටහන් මෙන්ම දෙරණ රූපවාහිනී නාලිකාව සජීව සමගාමී විකාශය මෙකී වෙබ් අඩවිය ඔස්සේ ද විකාශය කෙරේ. fmderana.lk වෙබ් අඩවිය ඔස්සේ දෙරණ ගුවන්විදුලි නාලිකාව සහ එහි වැඩසටහන් විකාශය කිරීම ද සිදු කරයි. 

                  හිරු නාලිකාව ද ස්වකීය රූපවාහිනී ගුවන්විදුලි නාලිකාවලට අමතරව වෙබ් අඩවි ඔස්සේ ප‍්‍රවෘත්ති, වැඩසටහන් ආදිය විකාශය කරයි. එනම් හිරු ප‍්‍රවෘත්ති hirunews.lk  නැමති වෙබ් අඩවිය මගින් ද hirutv.lk නැමති වෙබ් අඩවිය මගින් හිරු රූපවාහිනිය මගින් විකාශය කෙරෙන වැඩසටහන් ආදිය ග‍්‍රාහකයාට ලබා ගැනීමේ හැකියාව සලසා ඇත. හිරු ගුවන්විදුලි නාලිකාව ද යසරමපෙගකන නමින් වෙබ් අඩවියක් පවත්වාගෙන යමින් ගුවන්විදුලි වැඩසටහන්, ගීත ප‍්‍රචාරය කරමින් සම්ප‍්‍රදායික ගුවන්විදුලි සන්නිවේදන කාර්යයට අමතරව මාර්ගගත සන්නිවේදන කාර්යයේ ද නිරතවේ.

                නෙත් එෆ්. එම්. නාලිකාව ද බලපත‍්‍රගත ගුවන්විදුලි නාලිකාවට අමතරව වෙබ් අඩවි කිහිපයක්ම පවත්වා ගෙන යමින් ග‍්‍රාහක පරාසය පුළුල් කරගෙන ඇති බව විද්‍යමානවේ. එනම් nethfm.lk ලෙස ගුවන්විදුලි නාලිකාවෙන් විකාශය කෙරෙන වැඩසටහන් මෙම වෙබ් අඩවිය ඔස්සේ විකාශය කෙරෙන අතර ඊට අමතරව nethnews.lk ලෙස හැඳින්වෙන ප‍්‍රවෘත්ති වෙබ් අඩවියක්ද නෙත් එෆ්. එම් විසින් පවත්වා ගෙන යයි. සිරස නාලිකාව ද  ලාංකීය මාධ්‍ය වෙළෙඳපොළ තුළ සැලකිය යුතු ප‍්‍රතිශතයක් අත්පත් කර ගෙන සිටී. සිරස නාලිකාව විසින් ද sirasatv.lk, sirasafm.lk ලෙස රූපවාහිනි සහ ගුවන්විදුලි නාලිකාවට අදාළව වෙබ් අවකාශයෙහි අඩවි පවත්වා ගෙන යන අතර newsfirst.lk ලෙස සිරස ප‍්‍රවෘත්තිවලට අදාළ වෙබ් අඩවියක් ද සිරස විසින් පවත්වා ගෙන යයි.

                අද්‍යතන සමාජ ව්‍යුහීය තලයේ දී සංහතික මාධ්‍ය, මාධ්‍ය අභිසාරීතාව තුළ ඊට අනුගත වන ආකාරය ප‍්‍රත්‍යක්ෂ වේ. එය තවදුරටත් සනාත වන්නේ එතෙක් සාම්ප‍්‍රදායික මුද්‍රිත මාධ්‍යයන් ද මාර්ගගත වෙබ් අවකාශය තුළ සිය ප‍්‍රකාශන අන්තර්ජාලගත කිරීම මගිනි. මෙතෙක් මුද්‍රිත පිටපතක් ලෙස පාඨකයා අතට පත්වූ පුවත්පත ඊ-පිටපත්ක් (e-paper) ලෙස පාඨකයා අතට පත් කිරීමට පුවත්පත් සමාගම් කටයුතු කරයි. ලංකාවේ වැඩිම පාඨක පිරිසක් ඇති ලංකාදීප පුවත් පත ඊ-පිටපතක් ලෙස පාඨකයා අතට පත් කිරීමට එහි හිමිකාරිත්වය දරණ විජය පුවත්පත් සමාගම පියවර ගෙන තිබේ. lankadeepa.lk වෙබ් අඩවිය තුළින් දිනපතා සහ සතිපතා එළිදක්වන මුද්‍රිත පිටපතට සමගාමීව වෙබ් අඩවිය හරහා ඊ-පිටපත ප‍්‍රකාශයට පත් කරන අතර දෛනික පුවත් එසැන යාවත්කාලීන වන ආකාරයෙන් පුවත් වෙබ් අඩවියක් ලෙසද මෙම වෙබ් අඩවිය පවත්වා ගෙන යාමට විජය පුවත්පත් සමාගම කටයුතු කරයි. එම පුවත්පත් සමාගම මගින් ප‍්‍රකාශයට පත්කෙරෙන Dailymirror, The sunday times වැනි ඉංග‍්‍රීසි පුවත්පත් මෙන්ම සෙසු පුවත්පත් ද මේ ආකාරයට පුවත් වෙබ් අඩවි සහ ඊ-පුවත්පත් ද ප‍්‍රකාශයට පත් කෙරෙනු නිරීක්ෂණය කළ හැකිය. මව්බිම පුවත්පත mawbima.lk නැමති වෙබ් අඩවිය හරහා ද දිවයින පුවත්පත divaina.com මගින් ද ආදී ලෙස වර්තමාන මාධ්‍යවේද ප‍්‍රවණතාවන්ට මුහුණ දෙමින් සාම්ප‍්‍රදායික රූපවාහිනී, ගුවන්විදුලි සහ පුවත්පත් මාධ්‍ය මාර්ගගත මාධ්‍ය අභිසාරීතාව තුළ ස්ථානගත කරමින් ස්වකීය පේ‍්‍රක්ෂක, ශ‍්‍රාවක, පාඨක සමූහයා ගිලිහීයා නොදී රඳවා ගැනීම සඳහා නවීන තාක්ෂණික විපර්යාස තුළ පරිණාමගත විකරණයන්ට ලක්වෙමින් අභිසාරීතාව තුළ ස්ථාවර වෙමින් සංහතික මාධ්‍යකරණය තුළ තවදුරටත් ස්ථාවරත්වය පවත්වා ගැනීමට මාධ්‍ය නාලිකා සහ මාධ්‍ය ආයතන ක‍්‍රියාත්මක වන ආකාරය මෙමගින් සනාථවේ.

වරුණ සංජීව ලියනගේ

SC/PG/MAMM/70