ඔබ පත්තර කඩේකට ගොස්, පත්තර රාක්කයේ ඇති
සඟරා වල මුල් පිටු සිරස්තල කියවා තිබෙනවා නේද ?
මෙම සිත් ඇදගන්නාසුලු සිරස්තල බොහොමයක් විශ්වාස කළ නොහැකිය,
නමුත් ඒවා බොහෝ විට ඔබේ කුතුහලය දනවන අතර ඇතුළත බැලීමට සහ
තවත් කියවීමට ඔබව පොලඹවනු ලබනවා. පත්තර සහ සඟරා ප්‍රකාශකයින්
බලාපොරොත්තු වන්නේ එයයි. සඟරා සහ පුවත්පත් වාර්තාකරණයේ
අතිශෝක්තියෙන්, මනලෝල් උද්දීපනය සහ සංවේදී වූ ශෛලියකි.
මෙම වර්ගයේ වාර්තාකරණය කහ පුවත්පත් කලාව නැතිනම්
Yellow Journalism ලෙස හැඳින්වේ.
1800 ගණන්වල අගභාගයේදී, සංක්‍රමණිකයන් ඇමරිකානු
නගරවලට ගලා යද්දී, පුවත්පත් ප්‍රකාශකයින් වැඩි විකුණුම් තුළින්
වැඩි ලාභයක් ලබා ගැනීමේ හැකියාව දකින්නට වුණා.තොරතුරු පිපාසාවෙන්
සිටින ඔවුන්ව තමන්ගේ පුවත්පත් සඳහා යොමුකර ගැනීමට ඇතිවු තරඟය මත
කහ පුවත්පත් කලාවේ ආරම්භය සිදුවූවා.
එය තිව්‍රර වන්නට වූයේ, දහනව වන ශතවර්ෂය අවසානයේ
ප්‍රතිවාදී පුවත්පත් ප්‍රකාශකයින් 1898 දී ස්පාන්ඤ - ඇමරිකානු යුද්ධයට
පෙර හා පසුව සිදුවීම් ආවරණය කිරීම පුවත්පත් හරහා විකුණුම් සඳහා
තරඟ කළ විට ය. ස්පාන්ඤ අධිරාජ්‍යවාදීන් සහ කියුබානු විප්ලවවාදීන් අතර
කියුබාව තුළ වර්ධනය වන නොසන්සුන්තාව නිව්යෝර්ක් මෝනිං ජර්නලයේ
ප්‍රකාශක“විලියම් රැන්ඩොල්ෆ් හයර්ස්ට්” සහ “නිව්යෝක් වර්ල්ඩ්” හි ප්‍රකාශක
“ජෝසප් පුලිට්සර්ට” ඔවුන්ගේ පුවත්පත්වල ආවරණය කල අඛණ්ඩ කතාවක් වුණා.
ඇමරිකානුවන්ට විනෝදාස්වාදය ලබා දීම සහ උනන්දුව ඇතිකිරීම සඳහා,
මෙම කහ මාධ්‍යවේදීන් බොහෝ විට සිදුවීම් අතිශයෝක්තියට නංවන ලදී.
සමහර විට කතාවේ විස්තර සත්‍ය නොවුනත්, ගොතනලද තොරතුරු ඉදිරිපත් කරන්නේ
මහජනයා උද්දීපනය කිරීමට සහ මහජනයාගේ උනන්දුව අවුලුවාලීමට ය.
විලියම් රැන්ඩොල්ෆ් , පුලිට්සර්ගේ පුවත්පතෙන් සමහරක් කුලියට ගත් අතර,
“රිචඩ් එෆ්. අවුට්කෝල්ට්” ද වුණා. ඔහු කාටූන් චිත්‍ර නිර්මාණ ශිල්පියෙකි. ඉරිදා ලෝකය සඳහා
අතිවිශාල ජනප්‍රිය විකට පින්තූර මාලාවක් වන “යෙලෝ කිඩ්” චිත්‍ර නිර්මාණය කළේ ඔහුයි.
අවුට්කෝල්ට්ගේ චිත්‍ර නිර්මාණයෙන් පසුව, “ජෝර්ජ් බී. ලූක්ස්” විසින් නිර්මාණය කළ
විකට චිත්‍ර ලොව රටවල් ගනනාවක අතිශය ජනප්‍රිය වන්නට වුණා. ප්‍රතිවාදී පින්තූර මාලාව
කෙතරම් අවධානයට ලක් වූවාද යත්, පුවත්පත් දෙක අතර තරඟය “කහ පුවත්පත් කලාව”
ලෙස විස්තර කිරීම ඇරඹුණා. මෙම සියලු එදිරිවාදිකම් සහ එහි ප්‍රවර්ධනය පුවත්පත් දෙකටම
විශාල සංසරණයක් ඇති කළ අතර, බොහෝ නගරවල ඇමරිකානු පුවත්පත් කලාවට
බලපෑම් ඇති කළා.ලෝකය ක්‍රමානුකූලව සංවේදීතාවයේ තරඟයෙන් විශ්‍රාම ගැනීමත් සමඟ
කහ පුවත්පත් කලාවේ යුගය විසිවන සියවස ආරම්භ වීමෙන් ටික කලකට පසු අවසන් වූ බව
පැවසිය හැක. කෙසේවෙතත්, කහ පුවත්පත් කලාවේ සමහර ශිල්පක්‍රම, බැනර්, සිරස්තල සහ
වර්ණවත් විකට චිත්‍ර වර්ථමාණයේ, විශේෂයෙන් අන්තර්ජාලය තුළ බොහෝ සංවේදි භාවිතයන් වඩාත් සුලභව දැකිය හැකිය.
අන්තර්ජාලය ඇසුරින්
සුරේෂ් හෙන්නායක
SC/MAMM/2018/2019/20
0 comments:
Post a Comment