සන්නිවේදනයේ නව මුහුණුවර
නව මාධ්‍ය යන යෙදුම භාවිතයට පැමිණෙන්නේ 1980 දශකයේ අග භාගයේදීයි.නමුත් එය ප්‍රචලිත යෙදුමක් බවට පත්වන්නේ 90 දශකයෙන් පසුවයි.පළමුවරට නව මාධ්‍ය ආක්‍රමණය කළේ බටහිර රටවල් ය. නව මාධ්‍ය යන්න ජනමාධ්‍ය ක්ෂේත්‍රයේ සිදුවූ පුළුල් ප්‍රසාරණයකි.එනම් සත්‍ය වශයෙන් ම සදහන් කළ හැක්කේ මාධ්‍ය නිෂ්පාදනයේ,බෙදා හැරීමේ සහ පරිභෝජනයේ සිදුවූ පුළුල් පරාසයේ වෙනස්වීම් සදහා බලපෑ මාධ්‍යයන් ය. නව මාධ්‍යවල පවතින සුවිශේෂීත්වය වන්නේ නිරන්තර වෙනස්වීම් වලට ලක්වෙමින් වර්ධනය වීමයි.
නව මාධ්‍යයේදී
බොහෝ පිරිසකගෙන් → බොහෝ පිරිසකට
එක් පුද්ගලයෙකුගෙන් → බොහෝ පිරිසකට
බොහෝ පිරිසකගෙන් → එක් පුද්ගලයෙකුට
සන්නිවේදනය සිදුවේ.
මුල්කාලීනව නව මාධ්‍ය ලෙස වර්ධනය වූයේ තාක්ෂණික අංගයන් වන අතර පසුව නව මාධ්‍ය ප්‍රබල ලෙස සමාජයට බලපෑම් සිදුකරත්ම එය තවත් සමාජයීය බලපෑම් සහගත ක්‍රියාවලියක් බව ඒ පිළිබද පර්යේෂණ කළ විද්වතුන් අවබෝධ කොට ගත්තේ ය.මේ අනුව නව මාධ්‍ය පරම්පරාව මත තවත් මාධ්‍ය පරම්පරාවක් බිහිවනු ඇත.ලෝකයේ යථා ස්වභාවය එය වේ.
පුවත්පත,රූපවාහිනිය හා ගුවන් විදුලි මාධ්‍ය සිදුකරනු ලැබූ සංහතික සමාජයීය කාර්යභාරය වත්මන අන්තර්ජාලය විසින් ඉටුකරනු ලබන්නේ වඩා සාධනීය ප්‍රතිළුල අත්පත් කරගනිමිනි.පොඩ්කාස්ටින්,යූ ටියුබ් ෂෙයාරින් ආදී ආදේශකයන් මගින් සාම්ප්‍රදායික ගුවන් විදුලි හා රූපවාහිනී මගින් සිදුකරනු ලැබූ විභවතාවන් ආකර්ෂණීය ලෙස ඉදිරිපත් කරයි. මේ හේතුව මත අද වන විට නව මාධ්‍ය යනු වේගයෙන් මිනිසා අතරට යන මාධ්‍යයක් ලෙසත් සාම්ප්‍රදායික පුවත්පත,ගුවන් විදුලිය හා රූපවාහිනිය මිනිසාගෙන් ගිලිහී යන මාධ්‍යයක් බවටත් පත්ව ඇත. නව මාධ්‍ය ලෝකය මිනිසාගේ අත මතට ගෙනවිත් දී ඇත.
- වසන්ත මාසිංහගේ
- SC/MAMM/2018/2019/14
0 comments:
Post a Comment