නව මාධ්‍ය හා නූතන මිනිසා
පැරණි සිංහල කියමනක් තිබෙනවා දැනගෙන ගියොත් කතරගම නොදැන ගියොත් අතරමග කියලා.නව මාධ්‍ය තුළද නූතන මිනිසාට සිදුව ඇත්තේ මෙම කියමනට සමාන දෙයකි.නව මාධ්‍ය දැනගෙන භාවිත කරන පිරිස සිටින්නේ ඉතා අඩු ප්‍රමාණයක්.බහුතරයක් දෙනා නව මාධ්‍ය තුළ අතරමංව සිටින්නේය.එබැවින් කතරගම යාමට උත්සාහ දරන බොහෝ දෙනෙකුට එම ගමන නොහැකි වී ඇත.
නව මාධ්‍ය තුළ එලෙස පුද්ගලයින් අතරමං වන්නේ ඇයි ?
දශකයක පමණ කාලයක සිට නව මාධ්‍ය එසේත් නොමැතිනම් සමාජ මාධ්‍ය මිනිසුන් අතර ඉතා ජනප්‍රිය තත්ත්වයකට පත්වුණා. එය කොතරම්ද යත් කඩදාසි සොයා ගැනීමෙන් පසු ජනප්‍රියත්වයට පත්වූ පුවත්පත එමෙන්ම ඉන්පසු ජනප්‍රියත්වයට පත්වූ ගුවන් විදුලිය හා රූපවාහිනියද අභිබවා යමින්. මේ තත්ත්වය තුළ දෛනිකව දැකගත හැකි වූ දෙය වූයේ පුවත්පත,ගුවන් විදුලිය හා රූපවාහිනිය ක්‍රමයෙන් අභාවයට යාමයි. පසුගිය දශකයක කාලය තුළ එම සාම්ප්‍රදායික මාධ්‍ය අභිබවා යමින් නව මාධ්‍ය කැපීපෙනන වර්ධනයක් අත්කර ගන්නට සමත්විය.පුවත්පත,ගුවන් විදුලිය හා රූපවාහිනිය තුළ සැමට කළ හැකි දෙයක් නොමැතිවීම මේ තත්ත්වයට හේතුවුණා.නමුත් නව මාධ්‍ය තුළ එසේ නොවේ එහි සෑම අයෙකුම කොටස්කරුවන්.එම නිසා වයස් භේදයකින් තොරව සෑම අය අතරම නව මාධ්‍ය ජනප්‍රිය වන්නට වුණා.
නව මාධ්‍ය ජනප්‍රියත්වය කෙතරම්ද යත් අප සියලු දෙනාගේ මූලික අවශ්‍යතාවක් වන තරමට එය පත්ව ඇත.නූතන මිනිසා ආහර පාන,නිවාස,ඇදුම් පැළදුම්,බීමට ජලය සපයා ගනිද්දි තම සන්නිවේදන අවශ්‍යතා සපුරාගනු ලබන්නේ නව මාධ්‍ය භාවිතය හරහායි. මිනිසා යනු හුදකලාව සිටින සත්ත්වයෙකු නොවේ.සෑම විටම අනෙකා සමග සන්නිවේදනයේ යෙදෙන සත්ත්වයෙකි. එබැවින් නව මාධ්‍ය ඊට හොදම මෙවලම බවට පත්ව තිබෙනවා.මේ මෙවලම භාවිතයේදී මිනිසාට තමා කළ යුතු නොකළ යුතු දේ කුමක්ද යන්න පවා අමතකව ගොස් තිබෙනවා. ඊට හේතුව නව මාධ්‍ය තුළට පිවිසෙන ඕනෑම කෙනෙකුට වාරණයකින් තොරව තම අදහස් ප්‍රකාශනයට ඉඩකඩ විවෘතව ඇති නිසායි. එහි බාධා කිරීමට කිසිවෙකුත් නැත.තම අදහස සමාජගත කිරීමට නව මාධ්‍ය තුළ ඕනෑතරම් ඉඩකඩ විවෘතව පවතින්නේය. එමෙන්ම අනෙකාගේ අදහසට තමා එකගද?එකග නොවන්නේද? ඒ සම්බන්ධයෙන් තම අදහස කුමක්ද යන්න පවා දැන්වීමටද නව මාධ්‍ය තුළ ඉඩකඩ ඇත.මේ තත්ත්වය තුළ නූතන මිනිසාට තබා අපේක්ෂා කරන මට්ටමද ඉක්මවා සන්නිවේදනය සදහා ඉඩකඩ නව මාධ්‍ය තුළ විවෘතව පවතින්නේය. මේ හේතුවෙන් තමාගේ සීමාව හදුනා ගත නොහැකිව ඇති නූතන මිනිසා නව මාධ්‍ය තුළ අතරමංවීම වැලැක්විය නොහැකි දෙයකි.
වැදගත්ම කාරණය වනුයේ සාම්ප්‍රදායික මාධ්‍ය සලකා බැලීමේදී එහි පලවන තොරතුරුවලට වගකියන්නෙකු ඇත.එමෙන්ම එම තොරතුරු පලකරන්නේ කවුරුන්ද යන්න පොදු ජනතාවට දැන ගත හැකියි. නමුත් නව මාධ්‍ය තුළ එවැනි තත්ත්වයක් දක්නට නැහැ. නව මාධ්‍ය ඇතැම් විද්වතුන් සමාන කරනුයේ වනයකටයි. වනය තුළ නීතියක් නැත. අප සාමාන්‍ය ව්‍යවහාරයට සදහන් කරනුයේ කැලෑ නීතිය කියා.ඇතැම් විද්වතුන් පෙන්වා දෙන්නේ නව මාධ්‍ය තුළද ඇත්තේ එවැනි කැලෑ නීතියක් බවයි. එබැවින් සීමාව කුමක්ද තමන් යා යුත්තේ කුමන දිශාවකටද යන්න තීරණය කළ යුත්තේ එය පරිශීලනය කරන්නා විසින්මය. මේ කැලෑ නීතිය තුළ බොහෝ දෙනෙකු අතරමං වන්නේය.එම නිසායි නව මාධ්‍ය පරිශීලනය ද නොදැන ගියොත් අතරමග වන්නේ.
- වසන්ත මාසිංහගේ
- SC/MAMM/2018/2019/14
0 comments:
Post a Comment